News

 ကြားကာလအတွက် ကျွန်ုပ်တို့ ရည်ရွယ်သည်က ကျောင်းသားများ၊ လူငယ်များ သင်ယူတတ်မြောက်အပ်သည်နှင့် သင်ယူတတ်မြောက်လိုသည်များကို စဥ်ဆက်မပြတ်ပညာရေးတစ်ခုအဖြစ် ဝင်ရောက်ထမ်းပိုးရန်၊ နိုင်ငံရေးအရသိမှုကို အခြေခံမှစ အကျအန ပံ့ပိုးတပ်ဆင်ရန်၊ ကာလရှည်ပညာရေးစနစ်ဟောင်းကို ဖောက်ထွက်ပြီး ပညာကိုဗဟိုပြု၊ ကျောင်းသားကိုဗဟိုပြုသော ပညာရေးစနစ်သစ်တစ်ခုကို စတင်လက်တွေ့ကျင့်သုံးရန်တို့ ဖြစ်သည်။ မည်မျှပင် အကျိုးအမြတ်မရယူ ဆိုစေကာမူ ကောလိပ် ရပ်တည်လည်ပတ်ရန်အတွက် ရံပုံငွေလိုအပ်သည်မှာ အသေအချာ အားလုံးအသိပင်ဖြစ်သည်။ မဟုတ်လျှင် ရေရှည်ပန်းတိုင်ကို ရောက်မည်မဟုတ်ပဲ ပေါ်ပျောက်ဖြစ်သွားမည်ဖြစ်သည်။ ထိုသို့လိုအပ်သည်ဖြစ်၍ အချို့ဘာသာရပ်များ၊ အတန်းများအတွက် ကျောင်းလခ မဖြစ်မနေ ကောက်ခံရမည်ဖြစ်သော်လည်း ငွေကြေးအကျိုးစီးပွားကို လုံးဝအခြေမခံပဲ ပညာလိုလားသူတိုင်း ပညာရရှိရေးကို အမှန်တကယ်ပင် လက်တွေ့လုပ်ဆောင်သွားမည်ဖြစ်သည်။ တဖက်တွင်လည်း စံချိန်မီပညာရေးဖြစ်ရေးအတွက် အစကနဦး မပြည့်စုံမှု၊ လိုအပ်ချက်များရှိသေးသည့်အခြေအနေမှ တစထက်တစ ပိုမိုဖြည့်ဆည်းသွားရန် အထူးရည်ရွယ်ကြသည်။ အပေါ်တွင် ကာလရှည်ပညာရေးစနစ်ဟောင်းကို ဖောက်ထွက်ပြီး ပညာကိုဗဟိုပြု၊ ကျောင်းသားကိုဗဟိုပြု

ကဏ္ဍစုံ ဖွံ့ဖြိုးတိုးတက်ရေးနှင့် ပြည်ထောင်စုသစ် ကျွန်တော်တို့ နိုင်ငံမှာ ပညာရေးနှင့် ပတ်သက်ပြီး ဘာတွေရေလိုက်ငါးလိုက် လွဲခဲ့ကြသည်ကို ကျွန်တော်တို့ ပြန်ကြည့်ဖို့ လိုပါသည်။ အုပ်ချုပ်သူအဆက်ဆက်ရဲ့ အတ္တအမှား၊ မူဝါဒအမှား၊ လုပ်ရပ်အမှားများကြောင့် နိုင်ငံရဲ့ ပညာရေးကဏ္ဍ အကြီးအကျယ် ချွတ်ခြုံကျခဲ့ရသည်။ ထိုကဲ့သို့ ပညာရေးကဏ္ဍချွတ်ခြုံကျမှုနှင့်အတူ နိုင်ငံရဲ့ ဘက်စုံကဏ္ဍတွင် အစစအရာရာ လိုအပ်ချက်များစွာဖြင့် နိမ့်ကျခဲ့ရသည်။ ယခုမှသာ ဂလိုဘယ်ရေစီးကြောင်း၏ နောက်ကို မမီမကမ်း အပြေးလိုက်နေရသည်။ သားသားက အင်ဂျင်နီယာကြီး၊ မီးမီးက ဆရာဝန်ကြီးဖြစ်ချင်တယ်၊ လူရိုသေရှင်ရိုသေ တည်တည်တံ့တံ့ ဆရာမလေး ဆိုမှ သဘောကျတဲ့မိဘများ၊ သူတို့အမှားချည်းလား ဆိုလျှင်တော့ မဟုတ်ပေ။ ဘဝအာမခံချက်နှင့် အလုပ်အကိုင်အခွင့်အလမ်း ရှားပါးဆဲနိုင်ငံမှာ မိဘများက ကိုယ့်သားသမီးအတွက် သူတို့က သေချာတယ်လို့ ထင်တာတွေကိုပဲ ဖြစ်စေချင်ကြတဲ့ မိဘစေတနာဖြစ်သည်။ နောက် ပညာ တကယ်တတ်ခြင်း၊ မတတ်ခြင်း၊ ပညာရဲ့တန်ဖိုး၊ ပညာရဲ့ ကျင့်ဝတ် စသည်တို့ထက် ဘွဲ့လက်မှတ်နောက်၊ အိမ်ဦးခန်းက ဘွဲ့ဓာတ်ပုံတို့ကို ပိုအလေးထားဖြစ်လာကြသည်။ အထက်တွင် ဆိုခဲ့သမျှအရာအားလုံးကို နိုင်သမျှခွန်အားဖြင့် ပြော

  ရေးဗားကောလိပ်ရဲ့ ပထမဆုံးသင်တန်း Basic Politics Class ( Batch-1 )ကို အောင်အောင်မြင်မြင် ဖွင့်လှစ်နေခဲ့ပါပြီ။ စိတ်ဝင်တစား လျှောက်ထားကြတဲ့၊ တက်​ရောက်လာကြတဲ့ ကျောင်းသား၊ကျောင်းသူများကို  အထူးကျေးဇူးတင်ရှိပါတယ်။ သင်တန်းအောင်မြင်စွာဖွင့်လှစ်နိုင်ရေးအတွက်  ကြိုးစားအားထုတ်ခဲ့ကြတဲ့ အားအပြည့်သင်ကြားမျှဝေပေးတဲ့ဆရာများ၊ ရေးဗားတာဝန်ရှိသူများ အယောက်စီတိုင်းကို ကျေးဇူးတင်ပါရစေခင်ဗျာ။  အားလုံးကို မှတ်တမ်းတင်အပ်ပါတယ်ခင်ဗျာ။ ========================================== Email: office@theriver-edu.org www.theriver-edu.org Office of Administrative Board Rangoon, Myanmar (Burma) #therivercollege

𝐇𝐞𝐥𝐥𝐨! 𝐎𝐮𝐫 𝐀𝐩𝐩𝐥𝐢𝐜𝐚𝐧𝐭𝐬  မင်္ဂလာပါခင်ဗျာ။ ကျွန်တော်တို့ ရေးဗားကောလိပ်ရဲ့ Basic Politics Class ကို လျှောက်ထားခဲ့ကြတဲ့ နိုင်ငံရေးအကြောင်းအထူးစိတ်ဝင်စားသူများကို အသိပေးစရာလေးရှိပါတယ်။ ***သင်ဟာ Basic Politics Class ကိုတက်ရောက်ဖို့ ဖောင်တင်လျှောက်ထားခဲ့တယ်ဆိုရင် Email လေး တချက် စစ်ပေးပါနော်*** လျှောက်ထားသူများပြားခဲ့တဲ့အလျောက်ရေးဗားကောလိပ်အုပ်ချုပ်သူများအဖွဲ့ကဖောင်ပါအချက်အလက်များကို စိစစ်ပြီး ဝင်ခွင့်ရရှိသူများနှင့် မရရှိသူများကို Email မှတဆင့်အကြောင်းပြန်ထားပြီးဖြစ်ပါတယ်။သင်ဟာ Basic Politics Class ကိုလျှောက်ထားခဲ့သူများထဲကတစ်ယောက် ဖြစ်ခဲ့မယ်ဆိုရင် လျှောက်ထားခဲ့တုန်းက အသုံးပြုခဲ့တဲ့  Email လေးကို တချက်စစ်ပေးပါ။  ရေးဗားကောလိပ်က အောက်ပါ Email Address ၂ ခုဖြစ်တဲ့ ✅studentaffairsdept.rivercollege@gmail.com ✅students@theriver-edu.org တို့ကိုအသုံးပြုပြီး သတင်းအချက်အလက်စီးဆင်းမှု မှန်ကန်မြန်ဆန်စေဖို့ ပြုလုပ်ထားပေးပါတယ်။ အကြောင်းပြန်ထားတဲ့ Email ကို Search Bar မှာရိုက်ရှာပြီး မတွေ့ခဲ့ရင် Spam Box ကိုတချက်စစ်ပေးပါခင်ဗျ။  Spam Box မှာပါ မတွေ့ဘူးဆိုရင်တော့ကျွန်တော်တို့ ရေးဗားကောလိပ်ရဲ့

  အခြေခံနိုင်ငံရေးသင်တန်း အပတ်စဉ် ( ၁ ) ဝင်ခွင့်လျှောက်လွှာလက်ခံခြင်းကို ပိတ်လိုက်ပါပြီ။ မကြာခင်ရက်ပိုင်းအတွင်း ဝင်ခွင့်ရရှိသူများကိုရော၊ မရရှိသူများကိုပါ အကြောင်းပြန်ပေးမှာ ဖြစ်ပါတယ်။ ဝင်ခွင့်ရရှိသူများအနေနဲ့ သင်တန်းအပ်နှံရမှာဖြစ်သလို လက်ခံတဲ့သင်တန်းသား အရေအတွက်ပြည့်သွားလို့ ဝင်ခွင့်မရရှိလိုက်တဲ့သူများကိုလည်း ရေးဗားကောလိပ်ကမှတ်တမ်းတင်ထားမှာ ဖြစ်ပါတယ်။ အပတ်စဉ် (၂ ) ဝင်ခွင့်လျှောက်လွှာလက်ခံတဲ့အခါ ထပ်မံလျှောက်ထားပါက သေချာပေါက် ဦးစားပေးရွေးချယ်သွားပါ့မယ်နော်။ အားလုံးကို ကျေးဇူးတင်ပါတယ်ခင်ဗျာ။  ရေးဗား‌ကောလိပ်က ကြိုဆိုပါတယ်။ ========================================== Email: office@theriver-edu.org www.theriver-edu.org Office of Administrative Board Rangoon, Myanmar (Burma) #therivercollege

  နွေဦးနဲ့အတူ တွဲပါလာတဲ့ မြန်မာပြည်သူတွေရဲ့ နိုင်ငံရေးနိုးကြားမှုက အံ့သြဝမ်းသာစရာကောင်းလွန်းပါတယ်။ အနှစ် ၇၀ ကျော်ကြာ ပြည်တွင်းစစ်နဲ့ အခြားပြဿနာများရဲ့ အဖြေဟာ အမျိုးသားတန်းတူရေးနဲ့ ဖက်ဒရယ်ပဲဖြစ်ပါတယ်။ ဒါကို နိုင်ငံမှာ လူဦးရေအများဆုံးဖြစ်တဲ့ ပြည်မက လူများစုလူမျိုးဗမာ(မြန်မာ)တွေလည်း ဒီကာလမှာ ကောင်းကောင်းသိလာပါပြီ။ ဒါက အား ဖြစ်ပါတယ်။ မကြုံစဖူးတဲ့ အား ဖြစ်ပါတယ်။ ဒါဆိုရင် ဖက်ဒရယ်ဆိုတာ ဘာလဲ၊ ဖက်ဒရယ်ရဲ့ ဝိသေသတွေက ဘာတွေဖြစ်မလဲ၊ ဘယ်လိုဖက်ဒရယ်စနစ်တွေ ရှိလဲ၊ ဘယ်လိုအခြေအနေမှာ ဘယ်လိုဖက်ဒရယ်နဲ့ လိုက်ဖက်မလဲ ဒါတွေကို သိထားဖို့ လိုပါပြီ။ ဒါမှ ဖက်ဒရယ်ကို လိုချင်ကြတဲ့ ကျွန်တော်တို့က ကျွန်တော်တို့ကိုယ်တိုင် သေချာပါဝင်နိုင်မှာဖြစ်ပါတယ်။ ဒါကြောင့်လည်း ကျွန်တော်တို့ ရေးဗားကောလိပ်က ပထမဆုံးဖွင့်လှစ်မယ့် အခြေခံနိုင်ငံရေးသင်တန်းရဲ့သင်ရိုးမှာ ဖက်ဒရယ်အကြောင်းကို ထည့်သွင်းရေးဆွဲထားခြင်းဖြစ်ပါတယ်။ နောင်မှာလည်း ဖက်ဒရယ်နဲ့ပတ်သက်ပြီး ဒီထက် ပိုမိုကျယ်ကျယ်ပြန့်ပြန့်၊ နက်နက်ရှိုင်းရှိုင်းထိ သင်တန်းတွေ၊ သင်ရိုးတွေ ဆက်သွားဖို့ရှိပါတယ်။  ============================= အခြေခံနိုင်ငံရေးသင်တန်း ( Basic Politics Class ) ကို အောက

 “အားတင်းထားပါ နေ့သစ် တနင်္လာ” ရက်သတ္တပတ်တစ်ခု ကုန်ဆုံးခဲ့ပြီး နောက်ထပ် ရက်သတ္တပတ်တစ်ခုရဲ့ အစ တနင်္လာနေ့ကို ပြန်လည်ရောက်ရှိလာခဲ့ပါပြီ။ Weekend လို့ခေါ်တဲ့ စနေ၊ တနင်္ဂနွေမှာ အနားယူပြီး နောက်ထပ် ရက်သတ္တပတ်အတွက် အားယူမယ့်သူတွေရှိသလို မနားရတဲ့သူတွေလည်း ရှိမှာ အသေအချာပါပဲ။ ဒီကာလမှာ အခြေအနေအရပ်ရပ်ကြောင့် ကျွန်တော်တို့အကုန်လုံးရဲ့ နေ့ရက်တိုင်းဟာ စိတ်ပင်ပန်း၊ ကိုယ်ပင်ပန်း၊ ပူလောင်မှုတွေ၊ စိတ်ကျဉ်းကြပ်မှုတွေနဲ့ ပြည့်နှက်နေမှာ အသေအချာပါပဲ။ ဒီလို ပင်ပန်းနေကြတဲ့အချိန်မှာ ကျွန်တော်တို့ပြည်သူတွေ အချင်းချင်း နွေးထွေးတဲ့မေတ္တာတွေ၊ အကောင်းမြင်ပေးနိုင်မှုတွေ၊ မဆုတ်မနစ် ကြိုးစားအားထုတ်မှုတွေနဲ့ ကျော်ဖြတ်ဖို့ကြိုးစားကြရပါမယ်။ နှလုံးသားလှလှလေးတွေနဲ့ အချင်းချင်း ကူညီရိုင်းပင်းကြရပါမယ်။ ကိုယ်လုပ်နေတဲ့အရာတိုင်း၊ ကိုယ်လုပ်နိုင်တဲ့အရာတိုင်းကို အကောင်းဆုံး ကြိုးစားလုပ်ဆောင်ရင်း အဲဒီလုပ်ဆောင်သမျှဟာ ပြည်သူချင်း အပြန်အလှန်နွေးထွေးစေဖို့၊ အကျိုးပြုစေဖို့၊ လွယ်ကူအဆင်ပြေကြစေဖို့ ဖြစ်ကြရပါလိမ့်မယ်။ မကြာခင် ရောက်ရှိလာတော့မယ့် အကောင်းဆုံးနေ့တွေအတွက် မျှော်လင့်ရင်း ရက်သတ္တပတ်တိုင်းကို အားတင်းကျော်ဖြတ်ကြရအောင်။ ရေးဗားကောလိ

  𝟖-𝟖-𝟖𝟖 ၈၈၈၈ အရေးတော်ပုံကြီး အပါအဝင် ခေတ်အဆက်ဆက်၊ သမိုင်းအဆက်ဆက် ယခု ၂၀၂၁ နွေဦးတော်လှန်ရေးကြီးအထိ ဒီမိုကရေစီရေး၊ အမျိုးသားတန်းတူရေးနှင့် စစ်အာဏာရှင်စနစ်ဆန့်ကျင်ရေးတို့အတွက် အသက်၊ သွေး၊ ချွေး၊ ဘဝများ ရင်းနှီးပေးဆပ်ခဲ့ကြသော ရဟန်းရှင်လူ ကျောင်းသားပြည်သူအပေါင်းကို လေးစားစွာ ဦးညွှတ်အပ်ပါသည်။  "ငါတို့သည်...... မိမိကိုယ်ကို မျိုးစေ့အဖြစ် ကြဲပက်ခဲ့သူအပေါင်း၏ ကျေးဇူးဂုဏ်ကို ရည်မှတ်ပါ၏ တရားမျှတ၊ လွတ်လပ်ခြင်းနှင့်  တန်းတူညီမျှခြင်းတို့သည် ဤမြေ၌ တည်ပါစေသတည်း ဤမြေ၌ တည်ပါစေသတည်း ဤ မြေ ၌  တည် ပါ စေ သ တည်း........." ~ကိုမင်းကိုနိုင်  #8888 #therivercollege

⚠️ သင်တန်းလျှောက်ကြတဲ့အခါ အမျိုးမျိုးသော Email Error များ ဖြစ်လေ့ရှိတာကြောင့် ဒါလေးတွေ ဖတ်ပေးပါ။  📩  သင်တန်းလျှောက်ထားသူ၏ လျှောက်လွှာ Email ကို  ကောလိပ်ဖက်က လက်ခံရရှိသည်နှင့် လျှောက်လွှာလက်ခံရရှိကြောင်းကို ကောလိပ်က Email ပြန်ပို့ပါသည်။ ☑️ မိမိက လျှောက်ထားပါလျက် ၂၄ နာရီအတွင်း ကောလိပ်ထံမှ လက်ခံ Email ပြန်မဝင်လာဘူးဆိုပါက အောက်ပါ ၂ ချက်ကို ဆောင်ရွက်ပေးပါခင်ဗျ။  ၁။ မိမိတို့၏ Email Spam Box ကို ဦးစွာစစ်ဆေးပေးပါ။ တခါတရံ Spam Box ထဲ ဝင်သွားလေ့ ရှိပါသည်။ ၂။ Spam Box ထဲတွင်လည်း မရှိပါက The River College ၏ Facebook Page ကို Messenger မှတဆင့် ဆက်သွယ်စုံစမ်းပေးပါ။ လိုအပ်သလို ဆောင်ရွက်ပေးပါမည်။ ⚠️ ဒါ့အပြင် လျှောက်လွှာများကို ၂၀၂၁ ခုနှစ် စက်တင်ဘာလ ၁၀ ရက်နေ့  ည ၈ နာရီထိပဲ လက်ခံသွားမှာဖြစ်တာကြောင့် လျှောက်လွှာကို အမြန်ဆုံးပေးပို့နိုင်ကြပါရန် နှင့် အခက်အခဲတစုံတရာရှိပါက အမြန်ဆုံးဆက်သွယ်ကြပါရန် တိုက်တွန်းအကြောင်းကြားအပ်ပါသည်။  =============================== သင်တန်း​ပို့စ် ⬇️ https://www.facebook.com/102434378789228/posts/117256923973640/ သင်တန်းနှင့်ပတ်သက်ပြီး အသေးစိတ်ကိုသော်လည်းကောင်း၊ အဆင်မပြေမှုတစုံ

ကျွန်တော်တို့ The River College ရဲ့ Special Class တွေကို စောင့်မျှော်နေကြတဲ့ ကျောင်းသား၊ ကျောင်းသူများ၊ The River ကို စိတ်ဝင်တစားရှိကြသူများအပါအဝင် ကျွန်တော်တို့ရဲ့ ပြည်သူတွေအားလုံးဘေးကင်းကျန်းမာရှိကြပါစေလို့ ပထမဦးစွာ ဆုတောင်းပေးလိုက်ပါတယ်။ သိပ်မကြာခင်ကာလများမှာ နယ်ပယ်အသီးသီးက ပညာရော၊ အတွေ့အကြုံပါ ပြည့်ဝတဲ့ ဆရာ၊ ဆရာမများက သင်ကြားပေးမယ့် အသိပညာ၊ အတတ်ပညာ အထူးသင်တန်းတွေ ဖွင့်လှစ်တော့မှာ ဖြစ်ပါတယ်။ အခုလို စစ်တမ်းကောက်ယူရခြင်းရဲ့ အဓိကရည်ရွယ်ချက်ကတော့ ကျောင်းသား၊ ကျောင်းသူတွေအနေနဲ့ ဘယ်လိုဘာသာရပ်တွေ၊ ဘယ်လိုသင်တန်းတွေကို စိတ်ဝင်စားကြလဲ၊ သင်ယူလိုကြသလဲဆ်ိုတာကို ကျွန်တော်တို့လို ပညာရေးဝန်ဆောင်မှုပေးကြသူတွေ၊ ပညာရေးအဖွဲ့အစည်းတွေအနေနဲ့ ကောင်းစွာ သိရှိန်ိုင်ဖို့ ဖြစ်ပါတယ်။ ဒါ့အပြင် Face to Face သင်တန်းများဖွင့်လှစ်ဖို့ရည်ရွယ်ထားတဲ့အတွက် ကျောင်းသား/ကျောင်းသူများ သင်ယူဖ်ို့အဆင်ပြေတဲ့အချိန်တွေအလိုက်၊ ရက်တွေအလိုက်၊ နှုန်းထားတွေအလိုက် အဆင်အပြေဆုံး ဖွင့်လှစ်သွားနိုင်ဖို့ဖြစ်ပါတယ်။ ဒီနိုင်ငံအတွက်၊ ဒီလူ့အဖွဲ့အစည်းအတွက် လိုအပ်တဲ့ပညာတွေ သင်ကြားသင်ယူကြရသလို၊ ဒီလူ့အဖွဲ့အစည်းက လိုလားတဲ့ပညာတွေကိုလည်း သင်ကြားသင်ယူက

𝐓𝐡𝐞 𝐑𝐢𝐯𝐞𝐫 𝐂𝐨𝐥𝐥𝐞𝐠𝐞 𝐕𝐞𝐫𝐲 𝐅𝐢𝐫𝐬𝐭 𝐂𝐥𝐚𝐬𝐬 𝐢𝐬 𝐇𝐞𝐫𝐞! "လူတိုင်းသိသင့်တဲ့ အခြေခံနိုင်ငံရေး" သင်တန်းအမည် - အခြေခံနိုင်ငံရေးသင်တန်း Basic Politics Class ( အပတ်စဥ် ၁ ) 📋 𝐃𝐞𝐬𝐜𝐫𝐢𝐩𝐭𝐢𝐨𝐧 ဤနွေဦးတော်လှန်ရေးကာလအစောပိုင်းမှစပြီး လူထု၏ နိုင်ငံရေးနိုးကြားမှု အလွန်မြင့်တက်လာသည်။ ဖက်ဒရယ်ဒီမိုကရေစီပြည်ထောင်စုကြီး တည်ဆောက်ရာတွင် လူထု၏ သဘောထားဆန္ဒနှင့် ပါဝင်မှုက အလွန်အရေးကြီးသည်။ ပြည်သူအားလုံး လိုလားတောင့်တကြတဲ့ ဒီမိုကရေစီ၊ တခါ အစိုးရ၊ လွှတ်တော် စသည့် နိုင်ငံတော်အင်စတီကျူးရှင်းများ၏ တာဝန်နှင့် အလုပ်လုပ်ပုံ၊ ထိုအင်စတီကျူးရှင်းများ ဖွဲ့စည်းပုံအခြေခံဥပဒေအရ တည်ဆောက်လည်ပတ်ပုံ၊ စသည့် တစ်ခုစီကို သေချာသိနားလည်ပြီးသည့်အခါမှ ပါလီမန်စနစ်နှင့် သမ္မတစနစ်၊ တပြည်ထောင်နှင့် ဖက်ဒရယ်စနစ်၊ တခါ မည်ကဲ့သို့ ဖက်ဒရယ်မျိုးလဲ စသည်ဖြင့် နှိုင်းယှဥ်လေ့လာနိုင်မည်ဖြစ်သည်။ ပြည်သူများ နိုင်ငံရေးတွင် ထိုကဲ့သို့ ကျကျနနပါဝင်လာနိုင်ရေး  ရည်ရွယ်ချက်ဖြင့် ဆင့်ကဲတည်ဆောက်ထားသော သင်ရိုးငယ်တစ်ခုဖြစ်ပေသည်။ 👫 𝐖𝐡𝐨 𝐬𝐡𝐨𝐮𝐥𝐝 𝐉𝐨𝐢𝐧? တာဝန်ကျေတဲ့နိုင်ငံသားတစ်ယောက်အနေဖြင့် နိုင်ငံရေးကို အမှန်တကယ် သ

အားလုံးပဲ မင်္ဂလာပါခင်ဗျာ။ The River College နဲ့ ပတ်သက်တဲ့ အကြောင်းအရာတွေ၊ သင်တန်းအမျိုးအစားတွေနဲ့ ပတ်သက်ပြီး စုံစမ်းနေကြတဲ့ ကျောင်းသား၊ ကျောင်းသူတွေအတွက် သတင်းကောင်းလေးတစ်ခု ပါးပါရစေ။ ၂၀၂၁ ခုနှစ် သြဂုတ်လ ၂ ရက်နေ့က စတင်ပြီး ကျွန်တော်တို့ The River College စတင်ဖွင့်လှစ်လည်ပတ်နေပြီဖြစ်ပါတယ်။ စစ်မှန်စွာတတ်မြောက်မှုကို အာမခံန်ိုင်တဲ့၊ ဆန်းသစ်တဲ့ ပညာရပ်တွေကို ဆရာကောင်းတွေနှင့်အတူ သင်ယူနိုင်မယ့် သင်တန်းတွေကို မကြာခင် မိတ်ဆက်သွားမှာဖြစ်ပါတယ်ခင်ဗျာ။ အသိပညာ၊ အတတ်ပညာတွေ ပြည်သူလုထုကြီးထံ စီးဆင်းဖို့ အသင့်ဖြစ်နေပါပြီ။ ပထမဆုံး Course နဲ့ ပတ်သက်ပြီး အနည်းငယ်အသိပေးရမယ်ဆိုရင်တော့ အခကြေးငွေပေးစရာမလိုပဲ ပညာလိုသူတိုင်း အခမဲ့တက်ရောက်နိုင်မှာဖြစ်ပါတယ်။ ပထမဆုံးဖွင့်လှစ်မယ့်သင်တန်းနဲ့ ပတ်သက်တဲ့အကြောင်းအရာတွေကို အချိန်နဲ့တပြေးညီ သိရှိနိုင်ဖို့ The River College Page ကို စောင့်ကြည့်နိုင်ပါတယ်။ #therivercollege

 ရေးဗားကောလိပ်ရဲ့ တံဆိပ်က ပြောပြတဲ့ ရေးဗားကောလိပ်အကြောင်း အမှတ်တံဆိပ်တွေမှာ ယေဘုယျအားဖြင့် အဓိပ္ပါယ်တွေ ရှိတယ်၊ တန်ဖိုးကို ပြနေတယ်၊ နောက်ခံသမိုင်းကြောင်းတွေ ဖော်ပြတယ်၊ ရည်ညွှန်းဂုဏ်ပြုနေတာတွေ ရှိပါတယ်။ ကြည့်လိုက်ရုံနဲ့ ကျွန်တော်တို့ရဲ့ အဖွဲ့အစည်းတွေဟာ ဘယ်လိုအဖွဲ့အစည်းမျိုးလဲ၊ ဘာတွေကို အလေးအနက်ထားသလဲဆိုတာကို ထင်ဟပ်နေစေတဲ့ တန်ခိုးဟာ အမှတ်တံဆိပ်တွေမှာ ရှိပါတယ်။  ရေးဗားကောလိပ်ရဲ့ တံဆိပ်ကရော ဘာတွေ ဖော်ပြသလဲ? ကြားကာလပဋိညာဥ် ၂၀၂၁ ပုဒ်မ ၇၉ မှာလည်း ရေးဗားရဲ့ တံဆိပ်အကြောင်းကို ဒီလို အထူးပြဌာန်းထားပါတယ်။ " ၇၉။ ကောလိပ်၏ တံဆိပ်မှာ အောက်ပါအတိုင်းဖြစ်သည်။ (က) စာအုပ်နှင့် သစ်ပင်သည် ပညာရေးနှင့် ဉာဏ်ပညာကို ရည်ညွှန်းသည်။ (ခ) လက်သုံးချောင်းသင်္ကေတပုံစံ မီးအလင်းတိုင်များသည် ၂၀၂၁ မြန်မာ့နွေဦးတော်လှန်ရေးကို ဦးညွှတ်ရည်ညွှန်းသည်။ (ဂ) စက်ဝန်းထိပ်နှင့် ၄၅° အချောင်း ၅ ချောင်းသဏ္ဍာန်သည် မူလပင်မအဖွဲ့အစည်းဖြစ်သည့် ... ... ... ... ... ... ... ... ... ၏ တံဆိပ်ကို ရည်ညွှန်းသည်။ (ဃ) ရေလှိုင်းများသည် ကောလိပ်၏ အမည်ဖြစ်သည့် မြစ် ၏ ရေစီးကြောင်းများကို ကိုယ်စားပြုသည်။ (င) Fluvius Sapientiae ဟူသည်မှာ လက်တင်ဘာသာစကားဖြင့်

■︎ ကောလိပ်တစ်ခု၊ တက္ကသိုလ်တစ်ခုရဲ့ လွတ်လပ်စွာရှင်သန်ခြင်း အသက်ဝိညာဉ်ဟာ ပဋိညာဉ်ပဲဖြစ်ပါတယ်။ တက္ကသိုလ်တခု ဘယ်လိုလည်ပတ်မယ်၊ ဘယ်သူတွေက စီမံအုပ်ချုပ်မယ် ဆိုတာတွေကို ဘယ်ဝန်ကြီးဌာန၊ ဘယ်အစိုးရသောပုဂ္ဂိုလ်များကမှ ချမှတ်တာ၊ အုပ်ချုပ်တာ၊ လမ်းညွှန်တာမျိုးမဟုတ်ပဲ အဲဒီကောလိပ်၊ အဲဒီတက္ကသိုလ်ကိုယ်တိုင်က ရေးဆွဲပြဌာန်းထားတဲ့ "ကျောင်းတွင်းစာချုပ်တစ်ရပ်" လို့ ပြောရပါမယ်။  ■︎ တချိန်က ရန်ကုန်ကောလိပ်ဟာ အိန္ဒိယနိုင်ငံ  ကာလကတ္တားတက္ကသိုလ် University of Calcutta ရဲ့  လက်အောက်ခံကောလိပ် Affiliated College တစ်ခုဖြစ်ပါတယ်။ ၁၉၂၀ မှာ ရေးဆွဲပြဌာန်းခဲ့တဲ့ ရန်ကုန်တက္ကသိုလ်အက်ဥပဒေ (၁၉၂၀) The University of Rangoon Act:1920 ဟာ ရန်ကုန်တက္ကသိုလ်ကို သီးခြားလွတ်လပ်တဲ့တက္ကသိုလ်တစ်ခုအဖြစ် သန့်စင်မွေးဖွားပေးခဲ့ပါတယ်။  (စကားချပ်- ထိုစဉ်အခါက ရန်ကုန်တက္ကသိုလ်အက်ဥပဒေကို ၁၉၂၀ ပြည့်နှစ်၊ ရန်ကုန်မြို့ယူနီဗာစီတီသိပ္ပံကျောင်းတော်ကြီးအက်ဥပဒေ လို့ ခေါ်ပါတယ်) ■︎ အဆိုပါ ရန်ကုန်တက္ကသိုလ်အက်ဥပဒေမှာပါဝင်တဲ့ ပြဌာန်းချက်အချို့ဟာ မတရားဘူးလို့ နောင်တော်အစ်မတော်ကျောင်းသားကြီးများနဲ့ ဗုဒ္ဓဘာသာကလျာဏယုဝအသင်းအပါအဝင် တက်ကြွလှုပ်ရှားသူအသင်းအဖွဲ့မ

အနာဂတ်ဖက်ဒရယ်ဒီမိုကရေစီနိုင်ငံသစ်ဆီသို့ ချီတက်ကြတဲ့အခါ ပညာရေးဟာ အဓိကကျတဲ့အခြေခံအုတ်မြစ်အဖြစ် ပါဝင်နေပါတယ်။ ဥာဏ်ပညာဦးစီးတဲ့တော်လှန်ရေးနဲ့အတူ အရှိန်အဟုန်မြင့်စွာပြောင်းလဲနေသည့် ခေတ်ကာလတွင်း ပညာလိုလားသူများ စဥ်ဆက်မပြတ် ပညာရှာဖွေသင်ယူနိုင်စေဖို့၊ ဖက်ဒရယ်ပြည်ထောင်စုကြီးတည်ဆောက်ရာမှာ တစ်ထောင့်တစ်နေရာကနေ ပါဝင်နိုင်မယ့် ပညာတတ်များမွေးထုတ်ပေးခြင်းဖြင့် အထောက်အပံ့ပြုနိုင်စေဖို့ စတဲ့ ရည်ရွယ်ချက်တွေနဲ့  The River College ကို စတင်တည်ထောင်ရခြင်း ဖြစ်ပါတယ်။ The River College ဟာ "ပညာသည်သာပင်မကျောရိုးဖြစ်ပြီး ပညာအထက် မည်သူမျှမရှိစေရ" ဟူသော ဂုဏ်အင်္ဂါနှင့်ပြည့်စုံပြီး သုတေသနကို အထူးအားပေးဖို့ ရည်သန်တဲ့ ပညာရေးအင်စတီကျူးရှင်း ဖြစ်ပါတယ်။ ကျောင်းသား ကျောင်းသူများရဲ့ ပညာရေးလွတ်လပ်ခွင့်၊ အတွေးအခေါ်လွတ်လပ်ခွင့်၊ ပုဂ္ဂလလွတ်လပ်ခွင့်တို့ကို အာမခံတဲ့ ကောလိပ်လဲ ဖြစ်စေပါမယ်။ ဥာဏ်ပညာမြစ်တစ်စင်း စီးဆင်းဖို့ အသင့်ဖြစ်နေပါပြီ။ The River College နဲ့ ပတ်သက်တဲ့ အသေးစိတ်အကြောင်းအရာများ၊ သင်ကြားပို့ချသွားမယ့် သင်တန်းနဲ့ အခြားအကြောင်းအရာများကို ဤ The River College Facebook Page ကနေ အချိန်နဲ့တပြေးညီ ဖော်ပြသွားမှာဖြစ်